Брзото живеење бара брзи решенија. Денес времето е највредната валута, па логично е и парите да се движат со истото темпо. Со Money Send услугата обезбедена од КаСис, трансферот на средства станува едноставен, моментален и целосно во твоја контрола.
КаСис, преку својата платформа cPay, воведува нов, напреден начин на трансфер на пари за сите партнерски банки кои имаат е-commerce лиценца. Со ова решение, секоја финансиска институција може да биде Оригинатор на трансферот, односно да овозможи размена на средства од картичка на картичка.
Како функционира услугата?
Клиентот може да влезе на веб-страницата или мобилната апликација на својата банка (во зависност од тоа каде банката ја имплементирала функционалноста), и да:
- Одбере од која своја картичка ќе се земат средствата,
- Избере кон која картичка ќе се направи трансферот – без ограничување дали таа картичка е издадена од друга банка или друга земја.
Трансферот се извршува во реално време, со сигурност и потврда во моментот на плаќањето.
Две можности – праќач или примач
КаСис ја разви услугата Money Send така што клиентот може да биде и праќач, но и примач на средства:
- Во првиот случај, клиентот иницира трансфер и испраќа средства од своја картичка кон друг корисник.
- Во вториот случај, клиентот може да побара пари да се земат од друга картичка (од друг сопственик и банка) – при што тој сопственик ја автентицира 3DS трансакцијата и го дозволува трансферот. На тој начин, иницијаторот ја прима сумата на својата избрана картичка.
Со ова решение, cPay создава универзален канал за трансфер на пари кој функционира преку сите банки што се дел од системот, а без разлика кој е издавачот на картичките.
Без граници меѓу банките, со максимум сигурност
КаСис ја поставува платформата cPay како модерен центар за поврзување на банките, картичките и клиентите. Секоја трансакција е заштитена со 3D Secure протокол, а преносот на средства се извршува низ инфраструктура со највисоки стандарди за безбедност и усогласеност со меѓународните платежни регулативи.
Придобивки за корисниците и банките
За корисниците, Money Send значи практичен, едноставен и моментален начин да испраќаат или примаат пари, без разлика во која банка се наоѓаат тие или нивните пријатели.
За банките, ова претставува нов канал за дигитални услуги, кој го проширува досегот на клиентите и овозможува поголема интеграција во регионалниот и европскиот платежен екосистем.
Финансиски трансфери со темпото на денешницата
Со поддршката на Money Send од страна на КаСис, праќањето пари добива сосема нов контекст – повеќе не е технички процес, туку секојдневна навика што се одвива моментално, сигурно и едноставно.
Без разлика дали враќаш услуга, делиш сметка, испраќаш подарок или само префрлаш средства меѓу свои картички – системот работи во позадина за да ти овозможи најбрзо можно искуство.
Money Send – кога дигиталното плаќање станува лично
Со оваа услуга, КаСис уште еднаш покажува дека иднината на финансиските трансакции не е само во технологијата, туку во леснотијата со која луѓето ги користат тие технологии.
Парите повеќе не чекаат – тие се движат со тебе, преку cPay, со Money Send.